Glühwein gibts im Lehrerzimmer
Sarmenstorf Am Güdismontag war Zeit für die Schnitzelbank-Auftritte der Anonymen Fasnächtler Sarmenstorf (AFS) und der zwei Remos als Schnodersieche.
<em>Örtliche Begebenheiten thematisiert:</em> Die Schnodersieche…
…und die Anonymen Fasnächtler Sarmenstorf. Fotos: Alfred Gassmann
<em>Rauch:</em> Helgen der «Anonymen».
<em>Verbote:</em> Helgen der «Schnodersieche».
<em>Örtliche Begebenheiten thematisiert:</em> Die Schnodersieche…
…und die Anonymen Fasnächtler Sarmenstorf. Fotos: Alfred Gassmann
<em>Rauch:</em> Helgen der «Anonymen».
<em>Verbote:</em> Helgen der «Schnodersieche».
Trotz stürmischen Winden flog von Villmergen auch noch die Krähe mit viel Witz und Pointen als Einzelmaske zu.
Zum Auftakt wurde in der vollen Stube von Ottilia und Toni Köchli selig der letzte Schliff angebracht respektive Hauptprobe gefeiert. Es galt zu staunen, was alles aufgegriffen und zu Schnitzelbänken mit farbigen Helgen aufbereitet wurde. Roman Lindenmann, Brigitta Huppenbauer, Yvonne Köchli, Barbara Moos sowie Remo Eppisser und Remo Stettler verdienten an allen Auftritten in den Dorflokalen zu Recht viel Applaus.
Bänke der «Anonymen»
Euse Doktor macht mit em Auto en Glattiis-Rutsch,
s Schlifferli ohni Strom, s Auto isch futsch.
De Langesand Wendy hed vergässe,
meh Salz uf d Stross und weniger is Ässe.
De sexy Saxi und de heissi Buddy,
hockid im Chrüz bis fascht zum wunde Fudi.
Im Kafischnaps und Bier send si treu,
si send gli Vertreter für d Müller Bräu.
Was isch do los, um Gottes Wille,
dä schwarzi Rauch, rund um d Chile.
De Pfarrer tued nid mit Wiihrauch probe,
nei, de Thuja brünnt im Friedhof obe.
S Dirndl agleid, d Lederhose montiert,
jetzt stönd mer do und send brüskiert.
Wit und breit keis Oktoberfäscht in Sicht,
de Wohler Azeiger hed s falsche Datum im Bricht.
Bänke der «Schnodersieche»
Am Schötzi-Open-Air in Fahrwange tued de Joho Heinz fäne ganz verbisse.
Bim Heigo gsehd er, oh mit Schreck, sini Chetti am Velo händs gschlisse;
met Schimpfe ond Flueche wot er das Verbreche de Polizei grad go verzelle,
ond de Donald Trump sell sini blödi Muur zwösche Sarmi ond Fahrwange stelle.
Vo Sarmi bis of Wohle chasch au met em Velo dini Kollege go bsueche,
de Saxer Linus god anes Gebortstagsfäscht und tued drom d Bleichi ufsueche.
D Schmier macht Kontrolle ond frogd ganz früntli: Wo händ si d Velolampe?
Im Chreisel verlore, die verdammte Korve, i muess glaub chli langsamer trampe.
Noch rond 20 Johr tued de Schnyderli-Remo en Shopping-Day im Tivoli plane,
dass da ned ganz ohni Gfohre esch, muess er am eigne Liib erfahre.
Wo er weder wott hei, fend er de Charre nömm ond fohd scho lislig afo flueche,
er frogt e Verchäuferi, die Gueti hed Verbarme ond helft ehm si Göppel sueche.
In Sarmi ofem Schuelareal hanged Täfeli mit Ordnigsvorschrifte.
Kei Lärm, kei Droge, kei Alkohol, me sell sich dra halte ond verpflichte.
De Wiehnachtsapéro vo de Lehrerschaft findet statt, aber ned wie immer.
Wägem Glüewii ond de vele Verbot hockids halt is Lehrerzimmer.
