Lenzburg: Ausgewählte Jugendfest-Sprüche

Untere Rathausgasse

D Regierig isch erkore.

D GLP trinkt Sekt.

D Corin het verlore,

Wegem Glarner-Effekt.

D Bildig wott er nümm betreue,

Tuet sich neu am Bou erfreue:

De Mosima cha durestarte,

Boustelle hets i beide Sparte.

Obere Rathausgasse

Vergessed doch d Seetalbahn

Uf em neue Bahnhofsplan.

Wenn d Nochbere nüt wänd geh,

Sölles eifach s Velo neh.

Römerweg

Wenns ufem Gofi furchtbar knallt,

De wüssed alli – Jung und Alt,

Au s Büsi seits zum Kater:

«Ke Angscht – s isch nur Theater!»

Rathausgasse (vor Ehrentribüne)

Herr Diräkter, wirds glinge,

d Bildig uf Länzburg z bringe?

Mir wäre rif für Schampus

Ufem Kantischuel-Campus.

Zeughausstrasse

D Brugger tüend nid bummle,

Schlönd d Kanti-Werbetrommle.

Böses iez mir schwanet,

De Amme säit: «Mir planed».

Kirchgasse

Wohnatelier & Tagesgstaltig.

Mached sich uf d Socke,

Nume eusi Stadtverwaltig

Blibt im Rothus hocke.

Au wenn a neue Vogt tuet walte,

D Stüre sind glich höch wi bim alte.

Grosses Palaver

Um das Manöver.

Mache mir uf Ethik?

Oder nur Kosmetik?

Widmi-Brunnen

Mit em Auto es Gholper,

Z Fuess es rese Gstolper.

De Weg gheit usenand;

Er brucht es neus Gwand …

Museumsbrunnen

Das Museum isch zwar chli,

Aber voller Energie.

Leuengasse

De General,

Neu in schmal,

Strategisch fatal,

D Kadette z genial.