Jugendfest-Sprüche

Kopfvoran ins Vergnügen: Schmittenbrunnen mit Spruch.Foto: Romi Schmid
Kopfvoran ins Vergnügen: Schmittenbrunnen mit Spruch.Foto: Romi Schmid

Kirchgasse, Willener-Vicolo

Die einti Bank het s Geld verlo;

Die ander het si überno.

Machti die denn au no d Kippi,

Übernähm si de halt d Hypi.

Kirchgasse, Stadtbibliothek

Wer en Buech-Pris möchti günne

Mues halt scho es bitzeli spinne

Oder e chli queer si …

Uf jede Fall kei «Er» si.

Wer isch de Erfinder

Vo dere Logo-Gstaltig?

De alt Laser-Printer

Vo de Stadtverwaltig!

Rathausgasse, Willener-Asia

S Rothus isch nümme dicht,

Me mues sis Dach saniere.

Wärs jetzt nid au Pflicht,

De Stadtrot z renoviere.

Edgar, Schuelvisionär,

En Kadete-Legionär,

Bald au Pensionär,

Dopplet legendär.

Rathausgasse, Hirschen-Beldona

Wottsch do boue,

Bruchsch chli Vertroue –

Neui Regle chasch noni ha

D BNO lit bim Mosima.

Leuengasse Seite Kronenplatz

Ob Sunne oder Räge,

Mer darf chum no öppis säge –

I glaub statt woke

Simmer bald geischtig broke.

Ochsen, Parkplatz Seifi

Im Auto do stauts jo eh,

I cha s fängs nümme gseh –

Selli uf Ammerswil laufe

Oder es E-Trotti chaufe?

Türig, Zinse lönd eus chalt;

De Seidel meint: nid jammere!

Mer händ nämli iez im Wald

e Schatz inere Chammere.

Aavorstadt, Albani-Südseite

I de Badi chamer schwimme,

A de Urne chamer stimme.

Bi beidem isch es mängisch knapp –

Machsch en Taucher, sufsch ab.

Römerweg, Schützenmatte

Uf dr Schützi gits keis Gfächt.

Mir isch das grad no rächt.

Wäg de Freischare-Vakanz

Gits drum au kei Fridestanz.

Cholerabrunnen

De Freischare ischs

Warte verleidet.

Si stürme d Schützi

Als Pure verchleidet.

Güggelbrunnen

De Güggel uf dem Brunne

Isch em Machismo entrunne.

Drum schlüpft er in e Fummel

Und got als Huhn uf e Rummel.

Aavorstadt, Migros-Nordseite

Euse Aabach

Blibt mängisch flach –

Chli meh Räge

Wär für alli en Säge.

Schmittenbrunnen

Flowers in the air,

Güpli i d Hand,

Blüemli i s Hair,

Ab i s Jugetfeschtgwand.

Alter Amtshausbrunnen

Dur d Stadt dur bruchsch e Stund,

Nur abem Gofi laufts rund.

Weitere Artikel zu «Stadt Lenzburg», die sie interessieren könnten

Das Swiss Saxophone Orchestra  kommt nach Lenzburg.Foto: zvg
Stadt Lenzburg11.11.2026

Ein einmaliges Orchester mit Uraufführung in Lenzburg

Musik Das Swiss Saxophone Orchestra ist in seiner Art einzigartig. In Lenzburg spielt es seine sinfonische Uraufführung.

Jürg Leckebusch wohnt in Staufen. Er…

Die eigene Kinderspur für die Jüngeren.Foto: zvg
Stadt Lenzburg11.11.2026

Wer wagt, gewinnt? Das Stapferhaus stellt neue Ausstellung vor

Kultur Das Stapferhaus in Lenzburg überzeugt immer wieder mit spannenden Ausstellungen, die zum Ausprobieren, Zuhören und Nachdenken einladen. Ab dem 8.…
Dem Himmmel so nah: Alain Mieg öffnet sein Wohnhaus für seine Besucher.Foto: zvg
Stadt Lenzburg11.11.2026

Alain Mieg bringt den Himmel ein Stück näher

Kunst Alain Miegs «Himmlische Welten» eröffnen erneut. Für drei Wochen wird das Mieg-Haus am Rande Lenzburgs zu einer Galerie.

Obwohl das Jahr für Alain Mieg…